ممبئی: بالی وڈ اسٹار سنی دیول نے 27 برس بعد اپنی بلاک بسٹر فلم ’بارڈر‘ کے سیکوئیل کا اعلان کردیا۔
انسٹاگرام پر ایک آڈیو پیغام جاری ہوا ہے جس میں اداکار کی آواز موجود ہے اور وہ ’بارڈر2‘ کے بننے کا باقاعدہ اعلان کرتے ہیں۔
سنی دیول کو آڈیو پیغام میں یہ کہتے سنا جاسکتا ہے ’ایک فوجی اپنے 27 سال پرانے وعدے کو پورا کرنے آرہا ہے پھر سے‘۔
بالی وڈ کی سب سے بڑی وار ڈراما فلم کی شوٹنگ اکتوبر میں شروع ہوگی اور اسے ندھی دتا نے لکھا ہے۔
بھارتی میڈیا ذرائع کے مطابق ’بارڈر2‘ کیلئے تیاریاں کافی عرصے سے جاری تھیں اور اس کی کہانی پہلی فلم کے ساتھ ہی جوڑی جائے گی۔
