خیبرپختونخوا حکومت کی کابینہ نے ممتازصنعتکار فیصل کاکاخیل اور ڈاکٹر یوسف سرور کو ایمپلائز سوشل سیکیورٹی انسٹی ٹیوشن (ای ایس ایس آئی) کی گورننگ باڈی کے اراکین مقرر کرنے کی منظوری دے دی۔ یہ تقرریاں مزدوروں کی فلاح و بہبود اور ادارے کی کارکردگی کو بہتر بنانے کے لیے کی گئی ہیں۔
محکمہ محنت (لیبر ڈیپارٹمنٹ) نے اس حوالے سے باضابطہ نوٹیفکیشن بھی جاری کر دیا ہے، جس میں دونوں شخصیات کی تقرری کو نافذ العمل قرار دیا گیا ہے۔ فیصل کاکاخیل، جو کہ معروف صنعتکار ہیں، اور ڈاکٹر یوسف سرور کی شمولیت سے ای ایس ایس آئی کی پالیسی سازی اور انتظامی معاملات میں نمایاں بہتری کی توقع کی جا رہی ہے۔
حکومتی ترجمان نے کہا ہے کہ یہ تقرریاں خیبرپختونخوا حکومت کی جانب سے مزدوروں کے حقوق کے تحفظ اور ان کے معیارِ زندگی کو بہتر بنانے کے عزم کا حصہ ہیں۔ یہ اقدام صوبے میں صنعتی اور مزدوروں کے مسائل کو مؤثر انداز میں حل کرنے کے لیے ایک اہم پیش رفت قرار دیا جا رہا ہے
