عمران خان کرکٹ سٹیڈیم پر تعمیراتی کام مکمل ہوچکا ہے ، سید فخر جہاں

عمران خان کرکٹ سٹیڈیم پر تعمیراتی کام مکمل ہوچکا ہے ، سید فخر جہاں
پشاور میں نمائشی میچ کے لئے تمام تر تیاریاں مکمل ہے ، پشاور میں ثقافتی کھیلوں کے لئے ایک بڑا سٹیڈیم تعمیر کیا جائے گا،

سٹیڈیم کا باضابطہ افتتاح وزیر اعلیٰ خیبرپختونخوا علی امین گنڈا پور نمائشی میچ کے دوران کرینگے ۔ صوبائی وزیر کھیل کی میڈیا سے گفتگو

صوبائی وزیر برائے کھیل و امور نوجوانان سید فخر جہاں نے کہا کہ عمران خان کرکٹ سٹیڈیم (سابقہ ارباب نیاز کرکٹ سٹیڈیم) میں تعمیرتی کام مکمل ہوچکا ہے اس سال پشاور میں نمائشی میچ کے لئے تمام تر تیاریاں مکمل کی گئی

اب پاکستان کرکٹ بورڈ پر منحصر ہے کہ کب نمائشی میچ کا انعقاد کیا جائے گا جبکہ پشاور میں ثقافتی کھیلوں کے لئے ایک بڑا سٹیڈیم تعمیر کیا جائے گا جس میں تمام سہولیات میسر ہو گی۔ان خیالات کا اظہار صوبائی وزیر کھیل نے عمران خان کرکٹ سٹیڈیم پشاور کا دورے کے موقع پر میڈیا سے گفتگو کرتے ہوئے کیا،اس موقع پر ان کے ہمراہ ڈائریکٹر جنرل سپورٹس تاشفین حیدر،اسسٹنٹ ڈائریکٹر فنانس شاہ فیصل،ڈائریکٹر عمران خان کرکٹ سٹیڈیم سلیم رضاء بھی موجود تھے جبکہ ایکس ای این ریاض بنگش نے صوبائی وزیر کو سٹیڈیم کے حوالےسے تفصیلی بریفنگ دی۔فخر جہان کا کہنا تھا کہ جلد ہی وزیر اعلیٰ خیبرپختونخوا علی امین گنڈاپور سٹیڈیم کا افتتاح کریں گے جس کے بعد کرکٹ میچز کے لئے اوپن ہو جائے گا ان کا کہنا تھا کہ ہماری طرف سے گراو¿نڈ مکمل ہوچکا اب پی ایس ایل سمیت ڈومیسٹک اور ہماری پوری کوشش ہے کہ پشاور میں ایک مرتبہ پھر انٹرنیشنل میچز منعقد ہوں سکیں تاکہ خیبرپختونخوا کے شائقین کرکٹ اپنے ہیروز کو لائیو دیکھ سکیں ان کا کہنا تھا خیبرپختونخوا میں کرکٹ کا بہت ٹیلنٹ موجود ہے اور امید ہے کہ اس سٹیڈیم کے تعمیر سے ان کھلاڑیوں کو اپنی کارکردگی میں مزید بہتری لانے کے مواقع ملیں گے ایک سوال کے جواب میں صوبائی وزیر نے کہا کہ عمران خان سٹیڈیم کا نام کابینہ کے فیصلے کے مطابق ہوا ہے ان کا کہنا تھا کہ سٹیڈیم میں تمام انکلوڑرز خیبرپختونخوا کے کھلاڑیوں کے ناموں سے منسوب کیا جائے گا۔