شادی کی غرض سے خاتون کو اغواء کرنیوالا ملزم ضمانت پر رہا

ایڈیشنل سیشن جج عامر علی نے شادی کیلئے خاتون کو اغواء کرنے کے الزا م میں گرفتار ملزم کو ضمانت پر رہا کرنے کے احکامات جاری کردیئے ۔ ملزم کی جانب سے کیس کی پیروی دانیال اسد چمکنی ایڈووکیٹ نے کی۔ استغاثہ کے مطابق گرفتار ملزم ارشد ولد محمد زمان ساکنہ نوتھیہ پر الزام ہے کہ اس نے تھانہ بھانہ ماڑی کی حدود میں شادی کی عرض سے خاتون کو ورغلا پھسلا کراغوا کیا،جس پر ملزم کے خلاف 365Bکے تحت مقدمہ درج کرکے ملزم کو گرفتار کرلیا، ملزم نے اپنی گرفتاری کے خلاف سیشن کورٹ میں ضمانت کی درخواست دائر کی ، گزشتہ روز کیس کی سماعت مکمل ہوئی ، عدالت نے دلائل مکمل ہونے پر ملزم کی ضمانت کی درخواست منظور کرتے ہوئے اسے رہاکرنے کے احکامات جاری کردیئے ۔