پرفلورو اوکٹینوئک ایسڈ نامی یہ کیمیکل فرائنگ پین اور فوڈ پیکجنگ میں استعمال کیا جاتا ہے۔ یہ کیمیکل فار ایور کیمکلز کی فیملی کا حصہ ہے جو ماحولیات اور انسانی جسم میں تحلیل ہوئے بغیر سالوں تک باقی رہ سکتا ہے۔
تازہ ترین تحقیق میں امریکی سائنس دانوں نے بتایا ہے کہ یہ کیمیکل کولیسٹرول کی مقدار، قلبی مرض اور فالج کے خطرات میں اضافہ کر سکتا ہے۔
تحقیق میں سائنس دانوں نے چوہوں کو کاربوہائیڈریٹ اور چکنائی سے بھرپور غذا کھلائی اور پرفلورو اوکٹینوئک ایسڈ سے آلودہ پانی پلایا۔
ان چوہوں کو 14 ہفتے تک 0.5، 1.4 یا 6.2 ملی گرام فی لیٹر کیمیکل سے آلودہ پانی پلایا گیا۔
تجزیے میں معلوم ہوا کہ وہ چوہے جن کو معتدل یا زیادہ مقدار میں یہ کیمیکل دیا گیا تھا ان کےخون اور جگر میں مضر کولیسٹرول کی مقدار میں اضافہ ہوا تھا۔
