فیصل جاوید کا نام پی این آئی ایل سے نہ نکالنے پر وفاقی حکومت سے جواب طلب

پشاور ہائی کورٹ نے فیصل جاوید کا نام پی این آئی ایل سے نہ نکالنے پر وفاقی حکومت سے 7 روز میں جواب طلب کر لیا۔
تفصیلات کے مطابق فیصل جاوید کا نام پی این آئی ایل سے نہ نکالنے کے خلاف دائر توہین عدالت درخواست پرسماعت قائمقام چیف جسٹس ایس ایم عتیق شاہ اور جسٹس راشد علی پر مشتمل دو رکنی بینچ نے کی۔ دوران سماعت عدالت نے وفاقی حکومت سے 7 روز میں جواب طلب کرلیا۔ایف آئی اے کے مطابق عدالت کی جانب سے حکم جاری کیا گیا ہے کہ درخواست گزار کا نام لسٹ سے نکال لیں، عدالتی احکامات پر ہم پی این آئی ایل سے نام نکالا، اس کے بعد اسلام آباد پولیس کی سفارش پران کا نام پی سی ایل پر دوبارہ ڈالا گیا۔ قائم مقام چیف جسٹس ایس ایم عتیق شاہ نے کہا کہ 7 مارچ کو آپ کو آرڈر کیا کہ جواب جمع کریں، ابھی تک جواب جمع نہیں کیا، 7 دن دیتے ہیں اپنا جواب جمع کروائیں، عدالت نے وفاقی حکومت سے جواب طلب کرتے ہوئے سماعت ملتوی کردی۔