پشاور، صحت کارڈ سے فوت ہونے والے مریضوں کے لواحقین کو معاوضہ ملے گا

خیبرپختونخوا حکومت کی جانب سے کہا گیا ہے کہ صحت کارڈ سے فوت ہونے والے مریضوں کے لواحقین کو معاوضہ ملے گا۔
تفصیلات کے مطابق خیبر پختونخوا حکومت نے صحت کارڈ پر دوران علاج انتقال کرنے والے مریضوں کے لواحقین کو معاوضہ دینے کا فیصلہ کیا ہے، اس سلسلے میں سٹیٹ لائف انشورنس کے ساتھ معاہدہ ہوگیا ہے۔ محکمہ صحت کے مطابق 60 سال سے کم عمر کے مریض کے ہسپتال میں انتقال پر 10 لاکھ روپے اور 60 سال سے زائد عمر والے افراد کے پسماندگان کو 5 لاکھ روپے دئیے جائیں گے۔
محکمہ صحت کے مطابق علاج لیور ٹرانسپلانٹ ، بون میرو ٹرانسپلانٹ اور تھیلی سیمیا کا علاج صحت کارڈ میں شامل نہیں ہے، ان امراض سے متعلق سمری کابینہ کو بھیجی گئی ہے۔ محکمہ صحت کے مطابق پہلے مرحلے میں غریب مریضوں کا علاج کیا جائے گا۔
قائد اعظم انٹرنیشنل ہسپتال میں بون میرو اور لیورٹرانسپلانٹ کے مریضوں کا علاج ہوگا، انسٹیٹیوٹ آف کڈنی ڈیزیز میں کڈنی ٹرانسپلانٹ کے مریضوں کا علاج ہوگا، حیات آباد میڈیکل کمپلیکس میں تھیلی سیمیا کے مرض میں مبتلا مریضوں کا علاج ہوگا۔ یاد رہے خیبرپختونخوا حکومت کی جانب سے کہا گیا ہے کہ صحت کارڈ سے فوت ہونے والے مریضوںکے لواحقین کو معاوضہ ملے گا۔