کراچی: شہیدِ ملت روڈ پر واقع حیدر علی انڈر پاس عمر شریف کے نام سے منسوب ہو گیا

کراچی کے شہیدِ ملت روڈ پر واقع حیدر علی انڈر پاس کو علاج کے لیے امریکا لے جاتے ہوئے جرمنی میں انتقال کر جانے والے لیجنڈ پاکستانی کامیڈین اداکار عمر شریف کے نام سے منسوب کر دیا گیا ہے۔بلدیہ عظمی کراچی (کے ایم سی) نے انڈر پاس کو عمر شریف کے نام پر منسوب کرنیکی قرار داد منظور کر لی۔اس سے قبل شہیدِ ملت روڈ پر واقع حیدر علی انڈر پاس کو اداکار عمر شریف کے نام سے منسوب کرنے کا اعلان کیا گیا تھا۔اعلان ایڈمنسٹریٹر کراچی مرتضی وہاب نے چند روز قبل عمر شریف کی رہائش گاہ پر کیا تھا۔انڈر پاس کو مرحوم عمر شریف کے نام سے منسوب کرنے کی قرار داد پیر کو منظور کی گئی تھی۔