پاراچنار میں آتشزدگی،300سے زائد مویشی ہلاک

پاراچنار کے نواحی علاقے زیڑان چھپر میں گھر میں آتشزدگی کے باعث تین سو سے زائد مویشی ہلاک ہوگئے آگ لگنے کی فوری وجہ معلوم نہ ہوسکی پولیس کے مطابق پاراچنار کے نواح میں واقع علاقہ زیڑان چھپر میں گھر میں اچانک آگ بھڑک اٹھی اور دیکھتے ہی دیکھتے آگ نے پورے گھر کو اپنی لپیٹ میں لے لیا آتشزدگی کے باعث چرواہے نور علی کے تین سو سے زائد مویشی ہلاک ہوگئے اہلیان علاقہ نے اپنی مدد آپ کے تحت آگ بجھانے کی کوشش کی تاہم آگ کے شعلے ذیادہ ہونے کے باعث اور دور دراز علاقہ ہونے کے باعث ریسکیو کی امدادی ٹیمیں بروقت نہ پہنچ سکی جس کے باعث اتنا بڑا نقصان ہوا علاقہ مکینوں کا کہنا ہے کہ نور علی ایک غریب چرواہا ہے اور ان کی ساری جمع پونچی یہی مال مویشی تھی جس پر وہ اپنے بال بچوں کا پیٹ پالتا تھا انہوں نے حکومت سے نور علی کیساتھ مالی امداد کی اپیل کی ہے۔