حیات آباد سپورٹس کمپلیکس پشاور میں بروز ہفتہ، دوپہر 2 بجے، کویت کرکٹ ٹیم کا وفد کرکٹ ٹرائلز میں کویت قومی ٹیم کیلئے کھلاڑیوں کا چناؤ کرے گا۔یہ اقدام محکمہ سپورٹس خیبر پختونخوا اور پشاور زلمی کے باہمی تعاون سے صوبے کے ٹیلنٹڈ کھلاڑیوں کیلئےکویت کی قومی کرکٹ ٹیم میں انتخاب کا ایک سنہری موقع ہے۔اس موقع پر صوبائی وزیر کھیل اور امور نوجوانان سید فخرجہان اور ڈائریکٹر جنرل سپورٹس عبدالناصر خان کے علاؤہ محکمہ کھیل کے دیگر حکام بھی موجود ہوں گے جبکہ پشاور زلمی کے ڈائریکٹر سپورٹس محمد اکرم،سابق کپتان انضمام الحق،کویت کرکٹ ٹیم کی جانب سے ڈی جی ساجداشرف اور کوچ قاسم علی بھی موجود ہوں گے۔