عدنان بشیر سے
چیف ٹریفک آفیسر پشاور سود خان کی ہدایت پرخیبر بازار ، مسگراں ، قصہ خوانی بازار اور پیپل منڈی میں تجاوزات کیخلاف کارروائیاں
ایس پی سٹی ریاض خان خلیل اور ڈی ایس پی سٹی سیف الرحمن کی قیادت میں کی جانیوالی کارروائیوں کے دوران 22 افراد کو گرفتار کرلیا گیا
ٹریفک حکام اور اہلکار تجاوزات کیخلاف کارروائیاں جاری رکھیں
سٹی سیکٹر میں نو پارکنگ زون کی خلاف ورزی پر 16 موٹرسائیکل مالکان دھر لیے گئے
تجاوزات قائم کرنیوالوں کیساتھ کسی قسم کی نرمی نہیں کی جائیگی سٹی ٹریفک پولیس پشاور نے تجاوزات کیخلاف کارروائیاں کرتے ہوئے 22 افراد کو گرفتار کرلیا۔ تفصیلات کے مطابق چیف ٹریفک آفیسر سعود خان کی ہدایت پر سٹی ٹریفک پولیس پشاور کے اہلکاروں کی جانب سے شہر بھر میں تجاوزات مافیا کو رضا کارانہ طور پر تجاوزات ختم کرنے کی ہدایت کی گئی تاہم تجاوزات مافیا کی جانب سے اس پر عملدرآمد نہیں کیا جا رہا تھا جس پر سٹی ٹریفک پولیس پشاور کے اہلکاروں کی جانب سے کاروروائیاں کی گئیں جس کے تحت آپریشن کے دوران 22 افراد کو گرفتار کر کے دو ٹرک سامان قبضے میں لے لیا۔ چیف ٹریفک آفیسر سعود خان نے ٹریفک ہیڈ کوارٹر گلبہار سے جاری کردہ پریس ریلیز میں کہا ہے کہ تجاوزات مافیا رضا کارانہ طور پر تجاوزات کا خاتمہ کریں بصورت دیگر ان کے خلاف سخت قانونی کارروائی عمل میں لائی جائیگی کیونکہ تجاوزات قائم کرنے سے ٹرانسپورٹروں اور راہ گیروں کو شدید مشکلات کا سامنا کرنا پڑتا ہے۔ انہوں نے کہا کہ شہری گاڑیاں اور موٹر سائیکلیں پارکنگ سٹینڈ میں کھڑی کریں جبکہ نو پارکنگ زون میں موٹر سائیکلیں اور گاڑیاں کھڑی کرنیوالوں کی گاڑیاں ٹرمینل میں بند کی جائیں گی۔
چیف ٹریفک آفیسر پشاور سود خان
