صرف 7 ہزار روپے میں عوام کو سولر سسٹم فراہم کرنے کا اعلان کردیا گیا، جس سے ایک پنکھا اور تین ایل ای ڈی بلب جلائے جاسکیں گے۔
تفصیلات کے مطابق پنجاب کے بعد سندھ حکومت نے بھی عوام کو سولر سسٹم فراہم کرنے کا منصوبہ پیش کردیا، صوبے بھر کے دو لاکھ سے زائد گھرانوں کو صرف سات ہزار روپے میں مکمل سسٹم فراہم کیا جائے گا۔
کراچی کے پچاس ہزار گھرانے بھی منصوبےمیں شامل ہیں، عالمی بینک کے اشتراک سے شروع ہونے والے مجوزہ پروجیکٹ کے تحت فراہم کردہ سسٹم سے ایک پنکھا اور تین ایل ای ڈی بلب جلائے جاسکیں گے۔ڈائریکٹرسندھ سولر انرجی کا کہنا ہے کہ سسٹم میں سولرپینلز، چارج کنٹرولر اور بیٹری بھی شامل ہے ، منصوبے کے لیے ورلڈ بینک نے تین کروڑ بیس لاکھ ڈالر جاری کیے ہیں تاہم منصوبے میں مزید توسیع کا بھی امکان ہے۔
انھوں نے مزید کہا سندھ میں اس وقت شمسی توانائی سے چارسو میگاواٹ بجلی پیدا کی جارہی ہے۔
