شعیب جمیل
ڈسٹرکٹ اینڈ سیشن جج پشاور اشفاق تاج نے فوجداری مقدمات کے دوران ضمانتی افراد کی حیثیت جانچنے اور عدالت میں موجود ٹاوئٹس کے خاتمے کیلئے پہلی مرتبہ ضلعی عدالت میں Sureties Management Systemکا افتتاح کیا تاکہ ضمانت کے لئے پیش ہونے والے افراد کے نظام میں شفافیت لائی جاسے۔ پشاور سیشن کورٹ کے ترجمان کے مطابق عدالتوں کو ٹائوٹس کے ضمانت ناموں میں پیش ہونے کی وجہ سے کافی مشکلات درپیش تھیں۔ اور ایک ہی شخص بطور ضامن بیک وقت مختلف عدالتوں میں ایک سے زائد افرادکی ضمانت کے مچلکے پیش کر تے تھے، جبکہ عدالت کو ضرورت پڑنے پر ضمانت پر رہا شخص پیش نہیں ہوتے تھے جس سے مقدمات میں خاطر خواہ اضافہ ہو رہا تھا۔ مذکورہ نظام کے نفاذ کے ساتھ ٹائوٹ ازم پر کافی حد تک قابو پا لیا جائے گا۔مذکورہ نظام میں جب کوئی شخص بطور ضامن کسی کی ضمانت کے لئے پیش ہوگا تو اس شخص کا شناختی کارڈ سسٹم پر آجائے گا اور اگر یہی شخص دوبارہ بطور ضامن کسی کی ضمانت کے لئے پیش ہو گا تو کمپیوٹر سسٹم اسے فوری ٹریس کر کے بتا دے گا کہ مذکورہ شخص کے شناختی کارڈ پر اس سے قبل کتنے ضمانت ناموں کے مچلکے سے درج ہیں
