شعیب جمیل
پشاور اور کوہاٹ پولیس نے ایم ڈی کیٹ ٹیسٹ کے دوران نقل سکینڈل میں ملوث نیٹ ورک کے سرغنہ سمیت 9 ملزمان کو گرفتار کرلیا جن میں 5 کا تعلق پشاور جبکہ 4 کا کوہاٹ ڈویژن سے ہے، نیٹ ورک میں شامل تمام افراد تربیت یافتہ اور اعلی تعلیم یافتہ ہیں جن کے قبضہ سے درجنوں ڈیوائسز مائیکرو فون موبائل فون اور سمارٹ واچ بھی برآمد کرلیئے گئے ہیں، اسی طرح امتحانی حال میں نقل میں ملوث 74 طلبا و طالبات کے خلاف بھی مقدمات درج کرکے مختلف پہلوں کے تحت مزید تفتیش شرو ع کردی گئی ہے۔ چیف کیپٹل پولیس آفیسر پشاور سید اشفاق انور اور ریجنل پولیس آفیسر کوہاٹ ڈویژن شیر اکبر خان نے پشاور پولیس لائن میں مشترکہ پریس کانفرنس کے دوران بتایا کہ پشاور سمیت صوبہ کے مختلف اضلاع میں مورخہ 10 ستمبر 2023 کو ایٹا کی جانب سے ایم ڈی کیٹ ٹیسٹ کا انعقاد کیا گیا تھا جس میں پولیس اوردیگر قانون نافذ کرنے والے اداروں کو اطلاع موصول ہوئی تھی کہ ایم ڈی کیٹ ٹیسٹ میں بڑے پیمانے پر سوچے سمجھے منصوبہ کے تحت سیلولر ڈیوائسز کے زریعے پیپر آوٹ کرکے امتحانی پرچوں کو نقل کے زریعے حل کرایا جارہا ہے اور صوبے بھرکے امتحانی مراکز میں بلو ٹوتھ ڈائیوائسزکے زریعے طلبا اور طالبات کی بڑی تعداد چیٹنگ میں ملوث ہے اطلاع ملنے پر پولیس اور قانون نافذ کرنے والے ادارے فوری طورپرحرکت میں آ گئے اور انہوں نے ٹیسٹ کے دوران صوبہ بھر کے امتحانی مراکز میں چھاپے مارتے ہوئے انتظامیہ اور پولیس کے زریعے طلبا و طالبات کی چیکنگ شروع کردی اور چیٹنگ سکینڈل کے گروہ میں شامل افراد کیساتھ بھاری رقوم کے عوض انٹری ٹیسٹ پاس کرانے کی بات طے کرکے الیکٹرانک ڈیوائسز کے زریعے نقل کر نے والے 74طلبا و طالبات کو گرفتار کرکے ان کے خلاف پشاور کے 8 تھانوں میں 19مقدمات درج کردیئے گئے اور امتحانی مراکز سے گرفتار کیے جانے والے تمام ملزمان (امیدواروں)کو چالان کرتے ہوئے عدالت میں بھی پیش کردیا گیا۔کیپٹل سٹی پولیس اور کوہاٹ پولیس کی خصوصی ٹیم نے چیٹنگ کے میگا سکینڈل میں ملوث مرکزی ملزمان کا سراغ لگانے کیلئے بھی ٹیم کے زریعے کاروائیاں کرتے ہوئے خصوصی ڈیوائسز کے زریعے نقل فراہم کرنے والے منظم اور ماسٹرمائنڈ نیٹ ورک کا سراغ لگا کر کرک سے تعلق رکھنے والا میگا سکینڈل کے مرکزی ماسٹر مائنڈ ظفر خٹک، اس کے بھائی اور اس کے ساتھ شامل دیگر2کرداروں کو بے نقاب کرتے ہوئے گرفتار کرلیا اسی طرح پشاور سے اہم 5 کارندوں فہد ولد نورالبصر سکنہ تیرائی پشاور، فضل سبحان سکنہ درگئی ارشد انورسکنہ مردان فضل وہاب اور امین اللہ ولد نیاز علی سکنہ جنوبی وزیرستان کو گرفتار کرلیا
