شعیب جمیل
سپریم کورٹ بار ایسوسی کے سابق صدر عبد الطیف آفریدی قتل کیس میں گرفتار تین ملزمان چودہ روزہ جوڈیشل ریمانڈ پر جیل منتقل کردیے گئے ۔ گزشتہ روز پولیس کے تفتیشی افسر نے تینوں ملزمان کو عدالت میں پیش کردیا۔ تفتیشی افسر نے عدالت کو بتایا کہ ملزم ذاکر، فواد اور عادل ایڈووکیٹ قتل کیس میں سہولت کاری کا الزام ہے۔ ملزمان سے مزید تفتیش کی ضرورت ہے۔ عدالت نے پولیس کی مزید جسمانی ریمانڈ کی استدعا مسترد کردی۔ عدالت نے تینوں ملزمان کو جوڈیشل ریمانڈ جیل منتقل کردیا۔ واضح رہے کہ مرکزی ملزم عدنان آفریدی نے 16 جنوری کو عبد الطیف آفریدی کو فائرنگ کرکے قتل کردیا تھا۔
