پڑوسی ملک افغانستان میں پاسپورٹ کا اجرا شروع

پڑوسی ملک افغانستان میں پاسپورٹ کے اجرا کا آغاز کر دیا گیا۔پاسپورٹ کے اجرا کی بحالی کا اعلان سربراہ محکمہ پاسپورٹ نے گزشتہ روز پریس کانفرنس میں کیا تھا جس میں افغان خاتون صحافی بھی شریک ہوئیں۔افغانستان کے پاسپورٹ ڈپارٹمنٹ کے قائم مقام ڈائریکٹر عالم گل حقانی نے کابل میں پریس کانفرنس میں کہا تھا کہ 25 ہزار درخواست گزاروں کے پاسپورٹ اجرا کیلئے تیار ہیں۔ان کا یہ بھی کہنا تھا کہ یومیہ 5 سے 6 ہزار پاسپورٹس کا اجرا کریں گے، خواتین کے پاسپورٹ کے معاملے سے نمٹنے کیلئے محکمے میں خواتین کو ملازمت دی جائے گی۔